भंडारा पत्रिका गोंदिया : सडक अर्जुनी तालुक्यातील सौंदडजवळील मुंडीपार जंगलात वाघाने तीन जनावरांची शिकार केल्याची घटना २ जानेवारी रोजी घडली. या घटनेमुळे मुंडीपार परिसरात दशहतीचे वातावरण आहे. सडक अर्जुंनी व अर्जुनी मोर तालुक्यात व्याघ्र प्रकल्प असून मागील काही दिवसात वाघ, बिबट आदी गावशिवारात शिरुन जनावरे व मानसांवर हल्ले केल्याच्या घटनांमध्ये वाढ झाली आहे. वाघ व बिबट्यांच्या हल्ल्यात जनावरांचा मोठ्या प्रमाणात मृत्यू झाला आहे. त्यामुळे जंगल परिसराला लागून असलेल्या गाव व शेत परिसरात भीतीचे वातावरण आहे. वनविभाग उपाययोजना करीत असली तरी त्या अपुºया पडत असल्याने वन्यप्राण्यांचे हल्ले अद्यापही सुरु आहे. २ जानेवारी रोजी मुंडीपार जंगलात चरण्यासाठी गेलेल्या जनावरांवर हल्ला केला. यात बीरी येथील शालीक डोंगरवार यांचा एक रेडा, भास्कर मेश्राम यांची गाय व चंद्रभान मेश्राम यांचा एक बछड्याचा वाघाने फडशा पाडला. घटनास्थळावर वाघाच्या पावलाचे ठशे आढळून आले. या घटनेमुळे परिसरात भीतीचे वातावरण असून जनावरांच्या मालकांना नुकसान भरपाई देण्याची मागणी होत आहे.