भंडारा पत्रिका / प्रतिनिधी तुमसर : शहरालगतच्या देव्हाडी उड्डाणपुलावर शुक्रवारी (७ आॅगस्ट) सकाळी १०:३० वाजताच्या सुमारास मिनी मेटॅडोर आणि दुचाकीची समोरासमोर धडक झाली. या अपघातात दुचाकी चालक गंभीर जखमी झाला असून प्रकृती चिंताजनक आहे. अपघात घडल्याचे लक्षात येताच या मार्गावरून प्रवास करणाºया अन्य वाहन चालकांनी तातडीने पोलिसांना माहिती कळविली. त्याला पुढील उपचारासाठी भंडारा येथे रेफर करण्यात आले आहे. गंभीर जखमी दुचाकीस्वाराचे नाव वसंता बळीराम इळपाते असे असून तो साकोली तालुक्यातील उकारा या गावातील रहिवासी आहे. या उड्डाण पुलावर दिशादर्शक सिग्नल मागील काही दिवसांपासून बंद आहे त्यामुळे हा अपघात घडल्याचे चर्चा घटनास्थळी होती. या संदर्भात स्थानिक नागरिकांनी वाहतूक विभागाला माहिती देऊनसुद्धा याकडे दुर्लक्ष झाल्याची संतप्त प्रतिक्रिया व्यक्त होत आहे.
मिनी मेटॅडोर-दुचाकीची समोरासमोर धडक, दुचाकीस्वार गंभीर
